बीड : भारतीय जनता पार्टीच्या बीड जिल्हा कार्यसमितीची एक दिवसीय बैठक अंबाजोगाई येथे अनिकेत मंगल कार्यालयात झाली. पंकजा मुंडे यांच्या प्रमुख उपस्थितीत ही बैठक आयोजित करण्यात आली असून
दीपप्रज्वलन आणि भारतमातेच्या पूजनाने बैठकीस प्रारंभ झाला. पं. दीनदयाळ उपाध्याय, भाजपचे दिवंगत नेते प्रमोदजी महाजन, लोकनेते गोपीनाथ मुंडे यांच्या प्रतिमेस या वेळी पुष्पहार अर्पण करण्यात आला.
जिल्हा भाजपच्या वतीने स्वागत करण्यात आले. बैठकीस येण्यापूर्वी पदाधिकारी नाव नोंदणी केली. राज्य पातळीवर जशा बैठका होतात तशीच अतिशय शिस्तीत व उत्साही वातावरणात बैठक झाली. आ. आर. टी.
देशमुख, लक्ष्मण पवार, संगीता ठोंबरे, भाजपचे प्रभारी माजी आमदार गोविंदराव केंद्रे, माजी आमदार केशवराव आंधळे, जिल्हाध्यक्ष रमेश पोकळे व जिल्हयातील सर्व पदाधिकारी या वेळी उपस्थित होते.
